My Observations Being a Human Resources Development Professional are converted into words and posted here in order to make the readers to introspect and better their perceptions.
Sunday, October 23, 2011
తెలుగు గజల్ ( 6 )
సుఖమైన దుఃఖమైన నలుగురితో పంచుకో
మమతాను రాగాలతో నీ వాళ్ళుగా పెంచుకో
కోరుకున్న నాడే కాస్త వివేకం ఉండాలి
కాయేదో పండేదో చూసి మరీ తుంచుకో
కడదాకా సాగాలనె తపన నీలో ఉంటే
పనికిరాని బంధాలను పురిటిలోనే తెంచుకో
వినేవాళ్ళు దొరికారని ఊదేయకు భారతం
బాధలేవో ఉంటే అవి నీలోనే ఉంచుకో
పనివాడు పందిరేస్తే పిచ్చుకేమో తోసిందట
పనిచేసే చోట నీ ఒళ్ళుకాస్త ఒంచుకో
'ఉదయా' న్నే పిజ్జా బర్గర్ లంటూ గడ్డితిని బ్రతకకూ
చద్దన్నం తో ఓ చల్ల మిరప నంచుకో
Friday, October 21, 2011
తెలుగు గజల్ ( 5 )
ప్రతి జీవిలో పరమాత్మ ఉన్నాడని బోధించగలరా?
అణువణువునా పరమార్ధమున్నదని శోధించగలరా?
ఇంటిపేరు తో సహ ఇంటిని వదిలిన శ్రీ మహాలక్ష్మీ
కోడలిలో కూతుర్ని చూస్తే ఇలా వేధించగలరా?
లక్ష్యం అంటే జీవిత స్థితి గతులను మార్చాలి
మరగుజ్జు కాలి నడకలతో శిఖరం సాధించగలరా?
స్వార్థం విడిచి చూస్తే వేధన అందరికీ ఒకటే
పొరుగింటిలో పాడె లేస్తే ఇలా రోధించగలరా?
గులాంలై సలాం కోట్టేది స్వాభిమానం లేకుంటేనే
నమ్మిన సిద్ధాంతం కోసం నాయకునితో విభేధించగలరా?
సరిహద్దులు చెరిపేసి సైన్యాలకు సెలవిస్తేనే సామరస్యం
వసుధైక కుటుంబ భా'వోదయా'న్ని ఆమోదించగలరా?
తెలుగు గజల్ ( 4)
ఓరకంటి తో ఆ చూపులెందుకు పరాయి వనిత నీ చెల్లే కదా
వెకిలి వెకిలిగా ఆ నవ్వులెందుకు నడిచి వచ్చే ఆ ఇంతి నీ తల్లే కదా
బ్రతికేందుకు ఏ మార్గం లేక చావడానికి తెగువ లేక
ఏ పక్కలోనో ప్రతి రేయి నలిగే ఆ వారకాంత సిరిమల్లే కదా
ఒక్క క్షణం దరిలేకపోతే భరించగలవా ఆ విరహం
వ్యక్తిత్వం సంపూర్ణమయ్యేది సహచరి నీ అర్ధాంగి వల్లే కదా
ప్రోత్సాహం ఎందుకు బాబు అడ్డుగా నీ అహం లేకుంటే చాలు
అసూయతో పలికే మాటలు ఆమని మనసులో ముల్లేకదా
ఆకాశంలో సగమని మాటే గాని అవనిలో ఎక్కడ అవకాశం
అర్థంచేసుకునే మనసే ఉంటే ప్రతీ క్షణం ప్రణయపు జల్లేకదా
'ఉదయ'పు పని ఒత్తిడి లో అపరకాళిక అవతారమే ఏ ఇంటైనా
రసరాజ్యంలో చేరిన వేళ రతీదేవీ పరవశాల తుళ్ళే కదా
Sunday, October 16, 2011
తెలుగు గజల్ (2)
తెలుగు ఘజల్ (2)
ప్రేమ ఇంత మధురమని తెలిసింది నిన్ను నేడు కలిసాక
నిర్మలంగా ఉంది చూడు ఆకాశం వాన కాస్త వెలిసాక
అహం పొరలు కమ్మితే మంచేది మరి చెడ్డేది
మానవత్వం పరిమళించదా సోహం అంటే తెలిసాక
ఎవరెస్ట్ ఎక్కినా సరే దొరకని అపరిమితానందం ఎక్కడ
కన్నతల్లి కళ్ళల్లో కొడుకు ప్రయోజకుడయ్యాడనే మెరుపు మెరిసాక
కల్లబొల్లి కబుర్ల బాతాఖానీలకే కన్నె పిల్లలు కరుణించేది
కనబడరు బాబూ కంటికి కాస్త ఆ ముచ్చటేదో మురిసాక
పొద్దస్తమానం పనికిమాలిన రాతలతో ఎందుకీ ' ఉదయా'నందం
పరవశించదా మది రసజ్ణుల ప్రశంసల జల్లులో నిలువెల్లా తడిసాక
ప్రేమ ఇంత మధురమని తెలిసింది నిన్ను నేడు కలిసాక
నిర్మలంగా ఉంది చూడు ఆకాశం వాన కాస్త వెలిసాక
అహం పొరలు కమ్మితే మంచేది మరి చెడ్డేది
మానవత్వం పరిమళించదా సోహం అంటే తెలిసాక
ఎవరెస్ట్ ఎక్కినా సరే దొరకని అపరిమితానందం ఎక్కడ
కన్నతల్లి కళ్ళల్లో కొడుకు ప్రయోజకుడయ్యాడనే మెరుపు మెరిసాక
కల్లబొల్లి కబుర్ల బాతాఖానీలకే కన్నె పిల్లలు కరుణించేది
కనబడరు బాబూ కంటికి కాస్త ఆ ముచ్చటేదో మురిసాక
పొద్దస్తమానం పనికిమాలిన రాతలతో ఎందుకీ ' ఉదయా'నందం
పరవశించదా మది రసజ్ణుల ప్రశంసల జల్లులో నిలువెల్లా తడిసాక
తెలుగు ఘజల్ (3 )
తెలుగు ఘజల్ ( 3 )
కలలో కూడా మరువని దైవం తల్లే కదా
స్వర్గాన్నైనా మరిపించే సౌఖ్యం ఇల్లే కదా
ప్రేమలో పడితే పిచ్చి తలకెక్కక మానుతుందా
కసిరే ప్రేయసి మాటలు సైతం పన్నీటి జల్లే కదా
నీతి లేని రాజనీతి రాజ్యమేలుతుంది నేడు
ఏ పూటకి ఏ పక్షమో ప్రతి ఒక్కడు గోడమీద పిల్లే కదా
రాశికి కాదు విలువ ఏ నాడైనా వాసికి మాత్రమే
పరువం గుభాలించే పరిమళమిచ్చేది సిరి మల్లే కదా
పోగొట్టుకుంటేనే తెలిసేది ప్రేమకున్న విలువ
నరకాన్నైనా తలపించేది విరహపు ముల్లే కదా
పోరగాళ్ళ పోకిరి కాస్త పరిధిలో ఉంటేనే అందం
కనిపించే కుర్రదాని కొంగులాగితే చెంప చెల్లే కదా
జ్ణానోదయం కలగక పోతే మనిషికేదీ సార్థక్యం
జాతి భవితను మార్చేది బడిలోని నల్ల బల్లే కదా
కలలో కూడా మరువని దైవం తల్లే కదా
స్వర్గాన్నైనా మరిపించే సౌఖ్యం ఇల్లే కదా
ప్రేమలో పడితే పిచ్చి తలకెక్కక మానుతుందా
కసిరే ప్రేయసి మాటలు సైతం పన్నీటి జల్లే కదా
నీతి లేని రాజనీతి రాజ్యమేలుతుంది నేడు
ఏ పూటకి ఏ పక్షమో ప్రతి ఒక్కడు గోడమీద పిల్లే కదా
రాశికి కాదు విలువ ఏ నాడైనా వాసికి మాత్రమే
పరువం గుభాలించే పరిమళమిచ్చేది సిరి మల్లే కదా
పోగొట్టుకుంటేనే తెలిసేది ప్రేమకున్న విలువ
నరకాన్నైనా తలపించేది విరహపు ముల్లే కదా
పోరగాళ్ళ పోకిరి కాస్త పరిధిలో ఉంటేనే అందం
కనిపించే కుర్రదాని కొంగులాగితే చెంప చెల్లే కదా
జ్ణానోదయం కలగక పోతే మనిషికేదీ సార్థక్యం
జాతి భవితను మార్చేది బడిలోని నల్ల బల్లే కదా
Tuesday, October 4, 2011
తెలుగు గజల్
విద్య వంట పట్టేదెలా ఓ గురువే లేకుంటే
పాట శ్రుతి కలిసేదెలా ఓ దరువే లేకుంటే
చుట్టూ చేరిన వాళ్ళకు స్వాంతన ఇచ్చేదే జీవితం
అగ్నిగుండమై పోదా భూమి తరువే లేకుంటే
పాడిపంటలు మెండుగా ఉంటే పల్లె మురిసేది
చేను చేతికి వచ్చేదెలా ఊర్లో చెరువే లేకుంటే
పుట్టిన గడ్డనే కనుమూయాలని జీవికి ఆరాటం
బస్తీలోకి వలస ఎందుకు అక్కడ కరువే లేకుంటే
ఆలుబిడ్డలు అటువైపు దీనార్ల వేట ఇటువైపు
పలుకరిస్తుందా పసిపాపైనా చేరువే లేకుంటే
పదవీ విరమణ తో మొదలవును పైసల కష్టాలు
ఫించన్ ఫైలు కదలదు కాస్త బరువే లేకుంటే
'ఉదయ'కాంతి వెదజల్లు దీనార్తుల మోహాల్లో
బ్రతికి ఉండటం ఏమి లాభం పరువే లేకుంటే
పాట శ్రుతి కలిసేదెలా ఓ దరువే లేకుంటే
చుట్టూ చేరిన వాళ్ళకు స్వాంతన ఇచ్చేదే జీవితం
అగ్నిగుండమై పోదా భూమి తరువే లేకుంటే
పాడిపంటలు మెండుగా ఉంటే పల్లె మురిసేది
చేను చేతికి వచ్చేదెలా ఊర్లో చెరువే లేకుంటే
పుట్టిన గడ్డనే కనుమూయాలని జీవికి ఆరాటం
బస్తీలోకి వలస ఎందుకు అక్కడ కరువే లేకుంటే
ఆలుబిడ్డలు అటువైపు దీనార్ల వేట ఇటువైపు
పలుకరిస్తుందా పసిపాపైనా చేరువే లేకుంటే
పదవీ విరమణ తో మొదలవును పైసల కష్టాలు
ఫించన్ ఫైలు కదలదు కాస్త బరువే లేకుంటే
'ఉదయ'కాంతి వెదజల్లు దీనార్తుల మోహాల్లో
బ్రతికి ఉండటం ఏమి లాభం పరువే లేకుంటే
Friday, August 26, 2011
ముదితల మనసెరుగుట శక్యమా
నీ కటాక్షవీక్షణం నా పై ప్రసరించబోదా అనే గంపెడాశ తో
నీవు పోవు తెరువెయ్యదో కనుగొని కనులు కాయలు కాచినంతవరకు
నిరీక్షణా తపస్సు నిమగ్నుడినై, డస్సినన్, శ్రమంబయ్యెడినన్
విశ్రమింపక, ఉసూరనక వేవేల దినముల్ నిస్సారమై పోయినన్
నీ కొరకు ఎంతగా విలవిల లాడినన్ ఎంతటి పాషాణమతివో
కిమ్మనవు అలాగని కాదనవు, రమ్మనవు సరికదా పొమ్మనవు
యుక్తతరుణమాసన్నమవుట చేతనో, మధువు తలకెక్కుటచేతనో
నీ స్పందనారాహిత్యం నాలోని అహంభావంను ప్రజ్వలింపచేయుట చేతనో
నీ ప్రక్కనే నడయాడి పోతున్న నెరజాణ తో నెయ్యమున్ పొందకోరగా
తటిల్లతలా తటాలున నను గుంజి నీ గాడపరిష్వంగన్ బంధితువే
ముదితల మనసెరుగుట శక్యమా మాన్యులకైనన్, మౌడులకైనన్ ఈ జగతిన్
Friday, August 19, 2011
సంతసమ్మది మదీయ మదిని సదా
కలుగుతున్నది గదా జవరాలి స్నేహామ్రుతమున్
మనసారా గ్రోలినన్
స్వర్గమందురే ఈ భావావేశమునేమో
హతవిధీ!
మరునిమిషమునే
విస విస లాడుతూ నెపమేమోటో చెప్పక
చూపుతిప్పుకుపోయినా
విరహాగ్నితో నాడెందం క్రుంగి
చేష్టలుగ్గి నిస్తేజితం కావించునే
నరకమందురు ఈ సంకట స్థితినేమో..
ఎవరు సమ్మతించినన్ లేకున్నను
నిజం సుమ్ము
క్షణక్షణముల్ జవరాండ్ర చిత్తముల్
అదియున్ గాక
ఎంతటి వాడివయ్యినన్
కాంతమణికిన్ దాసుడవు పో
నీ పౌరుష, ప్రగల్భాలు మదిని దోచిన పడతుల్ ముందు కొరగావు నిక్కమే
Saturday, August 13, 2011
మరో జన్మ కావాలేమో
అరిషడ్వర్గాల్ని జయించి
జితేంద్రుడనై జీవితగమనం సాగించాలంటే
ఓ జన్మ సరిపోతుందా
తలలు బోడులైనా
తలపులు జవనాశ్వాలై పరుగెడుతుంటే
పొద్దస్తమానం వల్లేవేసే ఏ మత గ్రంథం
పెదవులపై నిలవడమే గాని
ఆచరణకు రానీకుండా అహం ఉరకలు వేయిస్తుంటే
ఇతరులు అస్థిత్వాల్ని, వ్యక్తిత్వాలని విడిచి
నే గీచిన పరిధిలో నిలవాలనే
నే పట్టిన కుందేలుకి మూడే కాళ్ళని
ఒప్పించాలని పరితపించే మొండితనం
ముదిమి నాపై స్వారీ చేస్తున్నా
నన్ను విడవకుంటే
నిజమే
నేను నేనులా నడవటం
నే అనుకునే మనిషి గా జీవించడం
నేర్చుకోవాలంటే
మరో జన్మ కావాలేమో
నా పొరుగువాడ్ని నాలా ప్రేమించే
మానవ కనీస గుణం నాలో నిలుపకోవాలంటే
ఈ జన్మంతా చాలదేమో
జన్మరాహిత్యం, కర్మరాహిత్యం పొందాలనే
నా పరితాపం
జనన,మరణ చక్రంలో నలగాల్సిందేమో
నే పఠించే శుష్క వేదాంతం
బూడిదలో పోసిన పన్నీరేమో
Thursday, August 4, 2011
రుణపడే ఉంటా
నా కైతే ఇపుడు
చాలా ప్రశాంతంగా ఉంది
ఏ అలజడులు
భావోద్వేగాలు
ఏ మాత్రం కుదిపేయడం లేదు
వంతెన క్రింద నిశ్శబ్దంగా సాగే నదిలా
జీవితం సాగిపోతూ ఉంది.
ఒకటి మాత్రం నిజం
ఆ క్షణం...
ఏ స్పందన లేకుండా
ఏం జరిగిందో
ఏమాత్రం అంచనా కి అందక
నన్ను కాదని నీ వెళ్ళిపోయాక
కాళ్ళ క్రింద భూమి నిలువునా
చీలిపోయిందనుకున్నా
భవిత అగోచరమై
విరహపు అగాధంలో మునిగిపోయా
నిద్రలేని రాత్రుల్లో తలచి తలచి వగచా
నాటి నా అమాయకత్వం చూసి
ఇప్పుడైతే నాపై నాకే జాలి పుడుతుంది
ఏ లాజిక్ కు చిక్కని
స్వార్థం నిన్ను ప్రలోభపెట్టిందో
కల్లాకపటంలేని ప్రేమ నీకు ఆశలు రేకెత్తించలేకపోయిందో
ఏమైతేనేం జీవితాంతం
నీకు రుణపడే ఉంటా
వలచినందుకు కాదు
విడిచినందుకు
నన్ను నేను తెలుసుకునేందుకు
ఓ చక్కని గుణపాఠం నేర్పినందుకు....
Wednesday, June 29, 2011
ప్రణయాగ్ని ,,,,,,,,, ప్రళయాగ్ని
వలచితినని,
సదా తలచెదనని
ఎదలో నిలెచెదనని
హోయగాలతో
సోయగాలతో
బంజరువలె మోడువారిన
సైకతమైదానమై బీడువారిన
మదీయ మానసమందు
ప్రేమకాసారాలు ప్రసరించి
ప్రణయకేదారాలు పరిఢవిల్లించి
విభ్రాంతుఢునై ఒకింత దిగ్భ్రాంతుడినై
వాస్తవమా లేక
ఉన్మాదమా లేక
ఊహా చిత్రమా అని
కనులు పరికించి
స్వీయనఖక్షతగాత్రుడినై
పరిశీలించి
ప్రణయసుధామాధుర్యమును మనసారా గ్రోలుటకు
సంసిధ్ధుడినికాగా
విద్యుల్లతలా క్షణకాలంలో
మాటైనను చెప్పక మాయమైతివే...
నినుమరచుట తెలియక మధుశాలనే
నిత్యశయనమందిరంగా చేసుకొని
సురాపానసేవనలో స్వస్థతను పొందగా
ఎంతటి జానవే ..
మత్తును తలకెక్కనీయవు..
కనులకు కునుకు కూడా రానీయవు
నరకప్రాయమైనదిగదా
ప్రేయసీ నీ రాకతో
నీ పోకతో
వలదు జవరాండ్రను నమ్ముట
అని నోరార పలికిన ప్రాజ్ఞుల మాట నిజమైనది సుమా
ప్రణయాగ్నిని మించిన ప్రళయాగ్ని కలదే...
Monday, June 20, 2011
నిర్దేశాలు
మగువుల యెడ పగల్ గాని తెగువుల్ గాని చూపకు
మూఢుల్ తో జతకూడకు గుమిగూడకు
పేడులతో పోట్లాడకు, పౌరుష పల్కులు మాట్లాడకు
మ్లేచ్చుల తుచ్చమైన ప్రశ్నలకు బదులివ్వకు
మదాంధంతో మొరిగే గ్రామసింహాలకు ఎదురెల్లకు
నీ జుట్టును చేజిక్కించుకోవాలనే మదాంధుల జట్టులో నిలవకు
నీ వాళ్ళను హేళనచేసే వాడి జిల తీర్చనదే వదలకు
కుహానా ఆదర్శవాదుల కారుకూతలకు కించిత్ చలించకు
ముసుగువీరుల లొసుగులు ఎండగట్టనిదే వీడకు
నీ వైరికి తోడుగా నిలిచే వారి తోక జాడించనిదే పట్టు సడలించకు
జానా బెత్తెడు మరగుజ్జులతో పోట్లాడకు, పిడికిలెత్తకు
మూఢుల్ తో జతకూడకు గుమిగూడకు
పేడులతో పోట్లాడకు, పౌరుష పల్కులు మాట్లాడకు
మ్లేచ్చుల తుచ్చమైన ప్రశ్నలకు బదులివ్వకు
మదాంధంతో మొరిగే గ్రామసింహాలకు ఎదురెల్లకు
నీ జుట్టును చేజిక్కించుకోవాలనే మదాంధుల జట్టులో నిలవకు
నీ వాళ్ళను హేళనచేసే వాడి జిల తీర్చనదే వదలకు
కుహానా ఆదర్శవాదుల కారుకూతలకు కించిత్ చలించకు
ముసుగువీరుల లొసుగులు ఎండగట్టనిదే వీడకు
నీ వైరికి తోడుగా నిలిచే వారి తోక జాడించనిదే పట్టు సడలించకు
జానా బెత్తెడు మరగుజ్జులతో పోట్లాడకు, పిడికిలెత్తకు
Saturday, June 11, 2011
కుసంస్కారి
సంసారివా?
సంస్కారివా?
సమాజవనంలో తిరిగే మానవ శార్దూలానివా?
ఎదుటివానికి బాధకలిగించే
రాతలు రాయగల్గే సంస్క్రుతి ఏ బడిలో
నేర్చుకున్నావు?
విషం చిమ్మేమాటలు ఏ ఒడిలో
ఒరవడి దిద్దుకున్నావు?
తీవ్రవాదంతో ప్రజల ప్రాణాలను
గడ్డిపోచలుగా పీకిపారేసేవాడు నీకు దేశభక్తుడు
సేవాభావంతో ఆపన్నులను ఆదుకునే
అనన్యసామాన్యుడు నీకు మాయావి
స్వయంక్రుషితో జీవనసోపానాలు
అధిరోహించే జనహ్రుదయనేత నీకు అధికార పిపాసి
మదోన్మాదంతో నగ్నచిత్రాల్లో అన్య దేవతలను ఆవిష్కరించడం
నీ ద్రుష్టిలో కళారాధన
మేథావి అయితేనేమి, మహాపురుషుడయితేనేమి
పరమత సహనం లోపిస్తే గుడ్డిగా సమర్ధించాలా
డూడూ బసవన్నలా బుర్రలూపాలా?
మానసిక రుగ్మతలతో
ప్రేలే సంధిప్రేలాపనలతో
సమాజోద్ధరణ జరిగిపోతుందని
సమసమాజ స్థాపన జరిగిపోతుందనే
పిచ్చి కలలు కనకు
పుట్టిన గడ్డలో సమాధైన సిద్ధాంతాలను
గబ్బిలంలా పట్టుకు వ్రేలాడకు
సంస్కారం అడ్డువచ్చి ఆగుతున్నాం గాని
నీ కుహానా విలువల వలువలు ఊడ్చడం
మాకంత కష్టం కాదు.
బ్రుహన్నలతో పోరాటాలు మాకు అభీష్టం కాదు.
Thursday, June 2, 2011
నా ధ్యాస...... ప్రతి శ్వాస
రేపటి గురించి ఆశ లేదు
నిన్నటి గురించి ప్రయాస లేదు
నేటి గురించి
ఈ నాటి గురించే
నా ధ్యాస...... ప్రతి శ్వాస
మళ్ళి వస్తానని వీడ్కోలు చెబుతున్న
ప్రేయసి ప్రేమ గా నా చేతిని చుంబించేటపుడు
వచ్చేవరకు ఎలా బతకాలనే బెంగతోనో
నేటి వరకు ఎలా గడపామనే చింతలతోనో
చెంతనున్న చెలి చుంబనాన్ని చేజార్చుకోనా
రేపటి గురించి ఆశ లేదు
నిన్నటి గురించి ప్రయాస లేదు
నేటి గురించి
ఈ నాటి గురించే
నా ధ్యాస...... ప్రతి శ్వాస
చేతుల్లో చిద్విలాసంగా
చిందులేస్తున్న నా చిన్నారి మోముపై
తొలకరిస్తున్న ఆనందపు డోలికలు వీడి
రేపటి వాడి భవిత ఏమైపోతుందనే బెంగతోనో
కోల్పోయిన నా బాల్యపు చింతలతోనో
ముద్దులొలికే చిన్నారి మురిపాలు వదులుకోనా
రేపటి గురించి ఆశ లేదు
నిన్నటి గురించి ప్రయాస లేదు
నేటి గురించి
ఈ నాటి గురించే
ఈ క్షణం గురించే
పరవశించాలనే
పరిమళించాలనే
నా ధ్యాస...... ప్రతి శ్వాస
నిన్నటి గురించి ప్రయాస లేదు
నేటి గురించి
ఈ నాటి గురించే
నా ధ్యాస...... ప్రతి శ్వాస
మళ్ళి వస్తానని వీడ్కోలు చెబుతున్న
ప్రేయసి ప్రేమ గా నా చేతిని చుంబించేటపుడు
వచ్చేవరకు ఎలా బతకాలనే బెంగతోనో
నేటి వరకు ఎలా గడపామనే చింతలతోనో
చెంతనున్న చెలి చుంబనాన్ని చేజార్చుకోనా
రేపటి గురించి ఆశ లేదు
నిన్నటి గురించి ప్రయాస లేదు
నేటి గురించి
ఈ నాటి గురించే
నా ధ్యాస...... ప్రతి శ్వాస
చేతుల్లో చిద్విలాసంగా
చిందులేస్తున్న నా చిన్నారి మోముపై
తొలకరిస్తున్న ఆనందపు డోలికలు వీడి
రేపటి వాడి భవిత ఏమైపోతుందనే బెంగతోనో
కోల్పోయిన నా బాల్యపు చింతలతోనో
ముద్దులొలికే చిన్నారి మురిపాలు వదులుకోనా
రేపటి గురించి ఆశ లేదు
నిన్నటి గురించి ప్రయాస లేదు
నేటి గురించి
ఈ నాటి గురించే
ఈ క్షణం గురించే
పరవశించాలనే
పరిమళించాలనే
నా ధ్యాస...... ప్రతి శ్వాస
Wednesday, May 25, 2011
నిరీక్షిస్తూనే ఉన్నా
కలో..... నిజమో ..
కేవలం భ్రమో... ఏమో కావచ్చు..
ఏ నలుగురు కనబడ్డా
అందంగా ఎవరు ఎదురైనా
నీవేనేమో.... ఏమో..
వీడి ఇన్నేళ్ళు అయినా
ఏ క్షణానైనా....
ఎప్పుడైనా
ఎక్కడైనా
కనబడకపోతావా
కనులారా ఓ సారి చూడకపోతానా
మనసారా ఓ సారి మురిపెంగా
పలకరించకపోతావా
ఎదురుచూస్తూనే ఉన్నా
ఆ రోజున నన్ను వీడిన ఘడియ నుండి
నిరంతరం నిరీక్షిస్తూనే ఉన్నా
ఒకవేళ అనుకోకుండా ఎదురైతే
చూపుతిప్పుకుంటావో
ఏమెరగనట్టుగా వెడలిపోతావో
మానిన గాయాలు రేపి పోతావో
నిజంగా ఓ సారి మరలా
కలవాలనే ఉంది
కనులారా చూడాలనే ఉంది..
కేవలం భ్రమో... ఏమో కావచ్చు..
ఏ నలుగురు కనబడ్డా
అందంగా ఎవరు ఎదురైనా
నీవేనేమో.... ఏమో..
వీడి ఇన్నేళ్ళు అయినా
ఏ క్షణానైనా....
ఎప్పుడైనా
ఎక్కడైనా
కనబడకపోతావా
కనులారా ఓ సారి చూడకపోతానా
మనసారా ఓ సారి మురిపెంగా
పలకరించకపోతావా
ఎదురుచూస్తూనే ఉన్నా
ఆ రోజున నన్ను వీడిన ఘడియ నుండి
నిరంతరం నిరీక్షిస్తూనే ఉన్నా
ఒకవేళ అనుకోకుండా ఎదురైతే
చూపుతిప్పుకుంటావో
ఏమెరగనట్టుగా వెడలిపోతావో
మానిన గాయాలు రేపి పోతావో
నిజంగా ఓ సారి మరలా
కలవాలనే ఉంది
కనులారా చూడాలనే ఉంది..
Thursday, May 19, 2011
సాగరతీరాన....
నాకైతే నమ్మబుద్ధి కావటంలేదు
ఇక్కడే కదా కలసి మెలిసి తిరిగాం
చేతిలో చేయివేసుకుంటూ
తీరం చేరే అలలతో ఆటాడుకుంటూ
భుజం భుజం ఒరుసుకుంటుంటే
చల్లని గాలులు చేరువయ్యేందుకు
తమవంతు సాయం చేస్తూంటే
ముఖంపై పడే ముంగురుల్ని సుతిమెత్తగా
తొలగిస్తూ నీ అందాన్ని తనివితీరా చూసుకుంటూ
ఇక్కడే కదా రీపటి జీవితం అంటూ
అన్ని కథలు చెప్పుకుంది
బలంగా వీచే ఏ కెరటం చేరని తీరంలో
ఇసుకగూళ్ళు మురిపెంగా కట్టాం
జీవిత సునామీ చేరో తీరాన మిగిల్చినా
లేచిపడే ఆ అలల్లా నిత్యం నీ జ్నాపకాలు
నాలో చెలరేగుతునే ఉన్నా
అదేం విచిత్రమో నీవు చేసిన బాసలు
కనుమరుగైనాయెందుకో
అలల తాకిడికి మన అడుగు ముద్రలు
చెరిగిపోయినట్టే
ఇక్కడే కదా కలసి మెలిసి తిరిగాం
చేతిలో చేయివేసుకుంటూ
తీరం చేరే అలలతో ఆటాడుకుంటూ
భుజం భుజం ఒరుసుకుంటుంటే
చల్లని గాలులు చేరువయ్యేందుకు
తమవంతు సాయం చేస్తూంటే
ముఖంపై పడే ముంగురుల్ని సుతిమెత్తగా
తొలగిస్తూ నీ అందాన్ని తనివితీరా చూసుకుంటూ
ఇక్కడే కదా రీపటి జీవితం అంటూ
అన్ని కథలు చెప్పుకుంది
బలంగా వీచే ఏ కెరటం చేరని తీరంలో
ఇసుకగూళ్ళు మురిపెంగా కట్టాం
జీవిత సునామీ చేరో తీరాన మిగిల్చినా
లేచిపడే ఆ అలల్లా నిత్యం నీ జ్నాపకాలు
నాలో చెలరేగుతునే ఉన్నా
అదేం విచిత్రమో నీవు చేసిన బాసలు
కనుమరుగైనాయెందుకో
అలల తాకిడికి మన అడుగు ముద్రలు
చెరిగిపోయినట్టే
Tuesday, May 3, 2011
ఉద్యమం......ప్రశ్నిస్తుంది ....
అరెరె భలే భలేగా దొరికింది మళ్ళీ మరో అవకాశం
మనమెంత పుణ్యాత్ములమో ప్రపంచానికి తెలియచేసి
మనలో ఉన్న బురదను సమాజం మీదకు,
ప్రభుత్వాల మీదకు
వెదజళ్ళి తెగ శునకానందం పొందేందుకు
అన్నా హజారే అందించిన అద్భుతావకాశం
చెయ్యాల్సిన ఉద్యోగం ఎనిమిది గంటలు తిన్నగా చెయ్యనోడు
మరదల మోజులో పెళ్ళాన్ని చంపి తాళి కట్టినోడు
సునామీ చందాల పేరిట జోలె నింపుకున్నోడు
తన ధర్మాన్ని ఆత్మసాక్షిగా ఒక్క క్షణం నిర్వర్తించనోడు
ఇలా చెప్పుకుపోతే నోటినిండా మాటలతో , మోసపు కృత్యాలతో
బతుకు సాగించే ప్రతీ ఓక్కడు
అవినీతి అంతం చేద్దామని
అన్నా హజారే కు జై అనేవాడే
ప్రభుత్వపు అవినీతి గురించి ఆయన మొదలు పెట్టిన ఉద్యమం
మనలోని సచ్చీలతని కూడా ప్రశ్నిస్తుంది
ఇకనైనా ముసుగులు తీసేసి మనస్సాక్షి ప్రకారం
మనోపంకిలాన్ని తొలగించి ,
గుండె పై చెయ్యేసి నిర్భీతిగా జీవించమని,
పాపం చెయ్యనోడే తొలి రాయిని విసరమన్న
ప్రభువు పలికిన మాట ను మదిలో నిలుపుకోమని
మనమెంత పుణ్యాత్ములమో ప్రపంచానికి తెలియచేసి
మనలో ఉన్న బురదను సమాజం మీదకు,
ప్రభుత్వాల మీదకు
వెదజళ్ళి తెగ శునకానందం పొందేందుకు
అన్నా హజారే అందించిన అద్భుతావకాశం
చెయ్యాల్సిన ఉద్యోగం ఎనిమిది గంటలు తిన్నగా చెయ్యనోడు
మరదల మోజులో పెళ్ళాన్ని చంపి తాళి కట్టినోడు
సునామీ చందాల పేరిట జోలె నింపుకున్నోడు
తన ధర్మాన్ని ఆత్మసాక్షిగా ఒక్క క్షణం నిర్వర్తించనోడు
ఇలా చెప్పుకుపోతే నోటినిండా మాటలతో , మోసపు కృత్యాలతో
బతుకు సాగించే ప్రతీ ఓక్కడు
అవినీతి అంతం చేద్దామని
అన్నా హజారే కు జై అనేవాడే
ప్రభుత్వపు అవినీతి గురించి ఆయన మొదలు పెట్టిన ఉద్యమం
మనలోని సచ్చీలతని కూడా ప్రశ్నిస్తుంది
ఇకనైనా ముసుగులు తీసేసి మనస్సాక్షి ప్రకారం
మనోపంకిలాన్ని తొలగించి ,
గుండె పై చెయ్యేసి నిర్భీతిగా జీవించమని,
పాపం చెయ్యనోడే తొలి రాయిని విసరమన్న
ప్రభువు పలికిన మాట ను మదిలో నిలుపుకోమని
ఇకనైనా మారు
మనిషిని మనిషి గా గుర్తిస్తే కదా
మానవత్వం సార్ధకమయ్యేది
ఎదుటవాడిని గౌరవించడం చేతకాకపోతే
ఎదురుదెబ్బలు తప్పవు నాన్నా
ఎదుటవాడికి ఏమిస్తామో ఆదే
మనకూ దొరుకుతుంది
పరిస్థితులు మనకు అనుకూలంగా
ఉన్నాయని పంజా కనిపించే
ప్రతి ఒక్కరిపైనా జులిపించకు
నోటితో పలకరించి నొసటితో వెక్కిరించకు
ఇన్నాళ్ళూ గోప్యంగా దాచిన ముసుగు కాస్త
తొలిగిపోతుంది
సోయగాలు చిందిస్తున్న సైకత సౌధం
కళ్ళ ముందే కరిగిపోతుంది
నీ అద్దం నిన్ను చూసి జాలిపడకముందే
ఇకనైనా మేలుకో
ఎన్ని మనసులు గాయపడ్డాయో
ఈ క్షణమైనా తెలుసుకో
మానవత్వం సార్ధకమయ్యేది
ఎదుటవాడిని గౌరవించడం చేతకాకపోతే
ఎదురుదెబ్బలు తప్పవు నాన్నా
ఎదుటవాడికి ఏమిస్తామో ఆదే
మనకూ దొరుకుతుంది
పరిస్థితులు మనకు అనుకూలంగా
ఉన్నాయని పంజా కనిపించే
ప్రతి ఒక్కరిపైనా జులిపించకు
నోటితో పలకరించి నొసటితో వెక్కిరించకు
ఇన్నాళ్ళూ గోప్యంగా దాచిన ముసుగు కాస్త
తొలిగిపోతుంది
సోయగాలు చిందిస్తున్న సైకత సౌధం
కళ్ళ ముందే కరిగిపోతుంది
నీ అద్దం నిన్ను చూసి జాలిపడకముందే
ఇకనైనా మేలుకో
ఎన్ని మనసులు గాయపడ్డాయో
ఈ క్షణమైనా తెలుసుకో
Saturday, April 30, 2011
నారీ పాద దాస్యం
మరులు మైకమును కల్పించి
ఉన్మత్త భావోద్వేగంను కలిగించి
రసానుభూతిలో సర్వం మైమరపించే
అనన్య అనుపమాన యోగమో
ద్వైతమద్వైతమయ్యే తనువులున్మాద,ఉద్రేక
భావప్రేరితమయై చలించే, చంచలించే, తరించే భోగమో
లిప్త పాటైన వియోగమందిన కుదురుగా ఉండనీక
అస్తిత్వమున్. వ్యక్తిత్వమున్, హారతి కావించు రోగమో
దైవకార్యమని తరింతురో
పైశాచిక కృత్యమని ఈసడించుకుందురో
ఎవరికి వారు వారి వారి భాగ్యం బట్టి భ్రమలు బట్టి
ప్రవచనాలు పలుకుదురో గాక
సృష్టి కి ప్రతి సృష్టి చేయు ఈ రసవత్తర భావ ఝరుల బారి నుండి
నారీ పాద దాస్యం కలిగించు మాయజాలం నుండి
తప్పింపుకొన శక్యం కాదే మునులకైన మౌనుల కైన ఏ మగనికైనన్
ఉన్మత్త భావోద్వేగంను కలిగించి
రసానుభూతిలో సర్వం మైమరపించే
అనన్య అనుపమాన యోగమో
ద్వైతమద్వైతమయ్యే తనువులున్మాద,ఉద్రేక
భావప్రేరితమయై చలించే, చంచలించే, తరించే భోగమో
లిప్త పాటైన వియోగమందిన కుదురుగా ఉండనీక
అస్తిత్వమున్. వ్యక్తిత్వమున్, హారతి కావించు రోగమో
దైవకార్యమని తరింతురో
పైశాచిక కృత్యమని ఈసడించుకుందురో
ఎవరికి వారు వారి వారి భాగ్యం బట్టి భ్రమలు బట్టి
ప్రవచనాలు పలుకుదురో గాక
సృష్టి కి ప్రతి సృష్టి చేయు ఈ రసవత్తర భావ ఝరుల బారి నుండి
నారీ పాద దాస్యం కలిగించు మాయజాలం నుండి
తప్పింపుకొన శక్యం కాదే మునులకైన మౌనుల కైన ఏ మగనికైనన్
నీ జ్ఞాపకాల పందిరిలో....
ఇంకా ఎదురుచూస్తూనే ఉన్నా
ఒక్క క్షణం ఆగండి అని
ఆజ్ఞాపించి వెళ్ళేవు
నిజంగా నీవు మరలా వస్తావని
మలి సంధ్య మరలిపోయినంతవరకు
నీలాకాశం నిశ్శబ్దగీతాన్ని ఆలపించినంతవరకు
నిరాశకు చోటివ్వక
నిస్పృహకు చోటివ్వక
నిరంతర నిరీక్షణలో గడిపా
రానని నీకు తెలిసినపుదు
రావాలని
నాతో నడవాలని
జీవితం పంచుకోవాలని నీకు లేనపుడు
వస్తానని చెప్పి ఎందుకు వెళ్ళావో
ఇప్పటికీ అర్ధం కాదు
రాయివని, కసాయివని, అడియాశలు రేపావని
ఎన్నటికీ దూషించలేను
నాకు మాత్రం తెలియదా
ఏ భయం నిన్ను పలాయనవాదానికి ప్రేరేపించిందో
ఏ ఆశల వలయం నిన్ను అవకాశవాదిగా మార్చిందో
ఆత్మను నాలో విడిచి, మనసు నాతో మమేకం చేసీ
శరీరాన్ని ఏ సామికి సమర్పణ చేసి
జీవితపర్యంతం నిర్జీవిగా బతుకుతున్నావో
అనే పరివేధనలో గడుపుతున్నా
నీ జ్ఞాపకాల పందిరిలో అలమటిస్తూనే ఉన్నా
ఏ క్షణమైనా ఎదురుకావా అని
నిరీక్షిస్తునే ఉన్నా....
ఒక్క క్షణం ఆగండి అని
ఆజ్ఞాపించి వెళ్ళేవు
నిజంగా నీవు మరలా వస్తావని
మలి సంధ్య మరలిపోయినంతవరకు
నీలాకాశం నిశ్శబ్దగీతాన్ని ఆలపించినంతవరకు
నిరాశకు చోటివ్వక
నిస్పృహకు చోటివ్వక
నిరంతర నిరీక్షణలో గడిపా
రానని నీకు తెలిసినపుదు
రావాలని
నాతో నడవాలని
జీవితం పంచుకోవాలని నీకు లేనపుడు
వస్తానని చెప్పి ఎందుకు వెళ్ళావో
ఇప్పటికీ అర్ధం కాదు
రాయివని, కసాయివని, అడియాశలు రేపావని
ఎన్నటికీ దూషించలేను
నాకు మాత్రం తెలియదా
ఏ భయం నిన్ను పలాయనవాదానికి ప్రేరేపించిందో
ఏ ఆశల వలయం నిన్ను అవకాశవాదిగా మార్చిందో
ఆత్మను నాలో విడిచి, మనసు నాతో మమేకం చేసీ
శరీరాన్ని ఏ సామికి సమర్పణ చేసి
జీవితపర్యంతం నిర్జీవిగా బతుకుతున్నావో
అనే పరివేధనలో గడుపుతున్నా
నీ జ్ఞాపకాల పందిరిలో అలమటిస్తూనే ఉన్నా
ఏ క్షణమైనా ఎదురుకావా అని
నిరీక్షిస్తునే ఉన్నా....
Subscribe to:
Posts (Atom)