సుఖమైన దుఃఖమైన నలుగురితో పంచుకో
మమతాను రాగాలతో నీ వాళ్ళుగా పెంచుకో
కోరుకున్న నాడే కాస్త వివేకం ఉండాలి
కాయేదో పండేదో చూసి మరీ తుంచుకో
కడదాకా సాగాలనె తపన నీలో ఉంటే
పనికిరాని బంధాలను పురిటిలోనే తెంచుకో
వినేవాళ్ళు దొరికారని ఊదేయకు భారతం
బాధలేవో ఉంటే అవి నీలోనే ఉంచుకో
పనివాడు పందిరేస్తే పిచ్చుకేమో తోసిందట
పనిచేసే చోట నీ ఒళ్ళుకాస్త ఒంచుకో
'ఉదయా' న్నే పిజ్జా బర్గర్ లంటూ గడ్డితిని బ్రతకకూ
చద్దన్నం తో ఓ చల్ల మిరప నంచుకో
No comments:
Post a Comment