ఉద్యమం......ప్రశ్నిస్తుంది ....

అరెరె భలే భలేగా దొరికింది మళ్ళీ మరో అవకాశం
మనమెంత పుణ్యాత్ములమో ప్రపంచానికి తెలియచేసి
మనలో ఉన్న బురదను సమాజం మీదకు,
ప్రభుత్వాల మీదకు
వెదజళ్ళి తెగ శునకానందం పొందేందుకు
అన్నా హజారే అందించిన అద్భుతావకాశం
చెయ్యాల్సిన ఉద్యోగం ఎనిమిది గంటలు తిన్నగా చెయ్యనోడు
మరదల మోజులో పెళ్ళాన్ని చంపి తాళి కట్టినోడు
సునామీ చందాల పేరిట జోలె నింపుకున్నోడు
తన ధర్మాన్ని ఆత్మసాక్షిగా ఒక్క క్షణం నిర్వర్తించనోడు
ఇలా చెప్పుకుపోతే నోటినిండా మాటలతో , మోసపు కృత్యాలతో
బతుకు సాగించే ప్రతీ ఓక్కడు
అవినీతి అంతం చేద్దామని
అన్నా హజారే కు జై అనేవాడే
ప్రభుత్వపు అవినీతి గురించి ఆయన మొదలు పెట్టిన ఉద్యమం
మనలోని సచ్చీలతని కూడా ప్రశ్నిస్తుంది
ఇకనైనా ముసుగులు తీసేసి మనస్సాక్షి ప్రకారం
మనోపంకిలాన్ని తొలగించి ,
గుండె పై చెయ్యేసి నిర్భీతిగా జీవించమని,
పాపం చెయ్యనోడే తొలి రాయిని విసరమన్న
ప్రభువు పలికిన మాట ను మదిలో నిలుపుకోమని