మనిషిని మనిషి గా గుర్తిస్తే కదా
మానవత్వం సార్ధకమయ్యేది
ఎదుటవాడిని గౌరవించడం చేతకాకపోతే
ఎదురుదెబ్బలు తప్పవు నాన్నా
ఎదుటవాడికి ఏమిస్తామో ఆదే
మనకూ దొరుకుతుంది
పరిస్థితులు మనకు అనుకూలంగా
ఉన్నాయని పంజా కనిపించే
ప్రతి ఒక్కరిపైనా జులిపించకు
నోటితో పలకరించి నొసటితో వెక్కిరించకు
ఇన్నాళ్ళూ గోప్యంగా దాచిన ముసుగు కాస్త
తొలిగిపోతుంది
సోయగాలు చిందిస్తున్న సైకత సౌధం
కళ్ళ ముందే కరిగిపోతుంది
నీ అద్దం నిన్ను చూసి జాలిపడకముందే
ఇకనైనా మేలుకో
ఎన్ని మనసులు గాయపడ్డాయో
ఈ క్షణమైనా తెలుసుకో
No comments:
Post a Comment