నిరీక్షిస్తూనే ఉన్నా

కలో..... నిజమో ..
కేవలం భ్రమో... ఏమో కావచ్చు..
ఏ నలుగురు కనబడ్డా
అందంగా ఎవరు ఎదురైనా
నీవేనేమో.... ఏమో..
వీడి ఇన్నేళ్ళు అయినా
ఏ క్షణానైనా....
ఎప్పుడైనా
ఎక్కడైనా
కనబడకపోతావా
కనులారా ఓ సారి చూడకపోతానా
మనసారా ఓ సారి మురిపెంగా
పలకరించకపోతావా
ఎదురుచూస్తూనే ఉన్నా
ఆ రోజున నన్ను వీడిన ఘడియ నుండి
నిరంతరం నిరీక్షిస్తూనే ఉన్నా
ఒకవేళ అనుకోకుండా ఎదురైతే
చూపుతిప్పుకుంటావో
ఏమెరగనట్టుగా వెడలిపోతావో
మానిన గాయాలు రేపి పోతావో
నిజంగా ఓ సారి మరలా
కలవాలనే ఉంది
కనులారా చూడాలనే ఉంది..