self responsibility-social responsibility

తనకు తాను ఉపయోగపడని వ్యక్తి
ఏ సంస్థకి ఏ వ్యవస్థకి ఉపయోగపడలేడు
స్వీయ భాధ్యత స్వీకరించలేనివాడికి
సామాజిక భాధ్యతలెందుకు ?
ఎప్పుడు ఎవడు వస్తాడో

ఏం పట్టుకు వస్తాడో
ఎవడి దగ్గర ఏం కొట్టెయొచ్చో
ఎవడి మీద ఏ అవసరానికి ఎలా వాలి పోవచ్చో
తాను చేయవలసిన విధులు
ఎవడి మీద ఎలా తోసేయవచ్చో
నిత్యం వినూత్న పథకాలు రాసేవానికి
ఈ పూటో ఈ రోజో గడిచిపోవచ్చు
రేపు ఏదో ఒకరోజున ఈ నటన సాగనప్పుడు
ఈ నాటకం తెరపడినప్పుడు
లబో దిబో మన్నా ఎవడు సానుభూతి చూపుతాడు
నిండైన వ్యక్తిత్వం అంటే నీ జీవితాన్ని నీవే నడుపుకోవడం
ఎవరి దయా దాక్షిణ్యాలకో ప్రాధేయపడకుందా
నిరంతర శ్రమైక జీవనాన్ని ఆసరాగా చేసుకోవడం
ఆత్మ వంచనకి తావివ్వకుండా
అత్మాభిమానాన్ని అమ్ముకోకుండా
జీవన గమనాన్ని గమ్యం వైపు నడిపించుకోవడం
తనకు తాను సహాయపడేవానికి దైవం సహాయపడతాడని
గీతాకారుడు చెప్పినట్టు చేస్తున్న కర్మను
నూటికి నూరుపాళ్ళు నమ్ముకోవడం
నీ భాధ్యత నీవు తీసుకున్నావా నిన్ను మించిన స్నేహితుడు లేడు
నీ భాధ్యత నీవే విస్మరించావా నిన్ను ముంచే శతృవు నీవే